ಯಾವುದೇ ರೀತಿಯ ತ್ವಚೆಗೂ ಫೇಸ್ ಮಾಸ್ಕ್ ಅತ್ಯಗತ್ಯ. ಫೇಸ್ ಮಾಸ್ಕ್ ತ್ವಚೆಯ ರಂಧ್ರಗಳನ್ನು ಶುಚಿಗೊಳಿಸುವುದಲ್ಲದೆ, ತ್ವಚೆಯನ್ನು ಕೋಮಲವಾಗಿರಿಸುವಲ್ಲೂ ಸಹಕಾರಿ. ಅಂತಹದ್ದೇ ಫೇಸ್‌ಪ್ಯಾಕ್‌ಗಳಲ್ಲಿ ದಾಸವಾಳ ಕೂಡಾ ಒಂದು. ದಾಸವಾಳ ಹೂವಿನಲ್ಲಿರುವ ವಿಟಮಿನ್ ಸಿ, ಬೀಟಾ-ಕ್ಯಾರೋಟಿನ್ ಮತ್ತು ಉತ್ಕರ್ಷಣಾ ನಿರೋಧಕಗಳು ಆರೋಗ್ಯವನ್ನು ಉತ್ತಮಗೊಳಿಸುಲ್ಲಿ ಪಾತ್ರ ವಹಿಸುತ್ತವೆ. ಈ ಉತ್ಕರ್ಷಣಾ ನಿರೋಧಕಗಳು ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡಿ ಚರ್ಮದಲ್ಲಿರುವ ಗಾಯವನ್ನು ಬೇಗನೆ ಗುಣಮುಖವಾಗಿಸುತ್ತದೆ. ಅಂತೆಯೇ ದಾಸವಾಳವನ್ನು ತ್ವಚೆಗೆ ಹಚ್ಚುವುದರಿಂದ ಹಲವಾರು ಪ್ರಯೋಜನಗಳಿವೆ
ನೈಸರ್ಗಿಕ ಬೊಟೊಕ್ಸ್
ನೈಸರ್ಗಿಕ ಬೊಟೊಕ್ಸ್ ಗುಣವನ್ನು ಹೊಂದಿರುವ ಏಕೈಕ ಹೂವು ದಾಸವಾಳ. ವಿಟಮಿನ್ ಸಿ ಯ ಸಮೃದ್ಧತೆಯು ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ ಮತ್ತು ಮುಖವನ್ನು ಬಿಗಿಗೊಳಿಸಲು ಸಹಾಯ ಮಾಡುತ್ತದೆ. ದಾಸವಾಳ ಹೂವಿನ ಪೇಸ್ಟ್ ಮಾಡಿ ಮತ್ತು ಮುಖದ ಮೇಲೆ ಹಚ್ಚಿ, 15 ನಿಮಿಷಗಳ ಕಾಲ ಬಿಟ್ಟು ನಂತರ ಚೆನ್ನಾಗಿ ತೊಳೆಯಬೇಕು.
ತ್ವಚೆಯ ರಂಧ್ರಗಳ ಸ್ವಚ್ಛತೆ
ದಾಸವಾಳದ ನೈಸರ್ಗಿಕ ಸರ್ಫ್ಯಾಕ್ಟಂಟ್‌ಗಳ ಗುಣವು ಚರ್ಮವನ್ನು ಅದರ ನೈಸರ್ಗಿಕ ತೈಲಗಳನ್ನು ಕಳೆದುಕೊಳ್ಳದೆ ಆಳವಾದ ಶುದ್ಧೀಕರಣಕ್ಕೆ ಸಹಾಯ ಮಾಡುತ್ತದೆ. ದಾಸವಾಳದಲ್ಲಿರುವ AHA ಗಳು ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ ಹಾಗೂ ಚರ್ಮವನ್ನು ತಾಜಾವಾಗಿ ಕಾಣುವಂತೆ ಮಾಡುವ ಮೂಲಕ ರಂಧ್ರಗಳನ್ನು ಸ್ವಚ್ಛಗೊಳಿಸುತ್ತದೆ.
ಮಾಯಿಶ್ಚರೈಸರ್
ದಾಸವಾಳದ ದಳಗಳು ಹೆಚ್ಚಿನ ಲೋಳೆಯ ಅಂಶವನ್ನು ಹೊಂದಿದೆ. ಇದು ಚರ್ಮಕ್ಕೆ ಮಾಯಿಶ್ಚರೈಸ್‌ ಮಾಡುತ್ತದೆ. ದಾಸವಾಳ ಹೂವಿನ ಪೇಸ್ಟನ್ನು ಹಚ್ಚುವುದರಿಂದ ಒಣ ಚರ್ಮ ಹೈಡ್ರೇಟ್ ಆಗುವುದರೊಂದಿಗೆ ಕಾಂತಿಯುತವಾಗಿಯೂ ಕಾಣುತ್ತದೆ.
ಸ್ಕಿನ್ ಟೋನ್ ಸುಧಾರಣೆ
ಜೀವಕೋಶಗಳನ್ನು ಪೋಷಿಸುವ ಬಲವಾದ ಎಫ್ಫೋಲಿಯೇಟಿಂಗ್ ಗುಣಲಕ್ಷಣಗಳನ್ನು ಹೊಂದಿರುವ ದಾಸವಾಳ ಯಾವುದೇ ಚರ್ಮದ ಟೋನ್, ಹೈಪರ್ಪಿಗ್ಮೆಂಟೇಶನ್, ಕಪ್ಪು ಕಲೆಗಳಿಗೆ ದಾಸವಾಳವು ತ್ವರಿತ ಪರಿಹಾರವನ್ನು ನೀಡುತ್ತದೆ. ಸಿಟ್ರಿಕ್ ಮತ್ತು ಮಾಲಿಕ್ ಆಮ್ಲಗಳನ್ನು ಒಳಗೊಂಡಿರುವ ಇದು ಚರ್ಮದ ಬಣ್ಣವನ್ನು ನವೀಕರಿಸುತ್ತದೆ.
ಕಾಂತಿಯುತ ಚರ್ಮ
ಆಂಟಿಆಕ್ಸಿಡೆಂಟ್‌ಗಳಿಂದ ತುಂಬಿರುವ ದಾಸವಾಳದಲ್ಲಿರುವ ಆಂಥೋಸಯಾನೋಸೈಡ್‌ಗಳು ಚರ್ಮದ ಆರೋಗ್ಯವನ್ನು ಸುಧಾರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಚರ್ಮದ ಅಕಾಲಿಕ ವಯಸ್ಸಾಗುವುದನ್ನು ವಿಳಂಬಗೊಳಿಸುತ್ತದೆ.
ದಾಸವಾಳದ ಸಂಕೋಚಕ ಗುಣವು ರಂಧ್ರಗಳನ್ನು ಬಿಗಿಗೊಳಿಸುವ ಮೂಲಕ ಚರ್ಮದಲ್ಲಿ ಎಣ್ಣೆಯ ಹೆಚ್ಚುವರಿ ಸ್ರವಿಸುವಿಕೆಯನ್ನು ನಿಯಂತ್ರಿಸುತ್ತದೆ. ದಾಸವಾಳದ ಉರಿಯೂತದ ಗುಣಲಕ್ಷಣಗಳು ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ಚರ್ಮದ ಕೆಂಪು ಬಣ್ಣವನ್ನು ಗುಣಪಡಿಸುತ್ತದೆ.
ದಾಸವಾಳ ಮತ್ತು ಮುಲ್ತಾನಿ ಮಿಟ್ಟಿ
ಒಂದೊಂದು ರೀತಿಯ ಫೇಸ್ ಪ್ಯಾಕ್‌ಗಳನ್ನು ನಿರ್ದಿಷ್ಟ ಚರ್ಮದ ಪ್ರಕಾರಗಳಿಗಾಗಿ ತಯಾರಿಸಲಾಗಿರುತ್ತದೆ. ಈ ದಾಸವಾಳ ಮತ್ತು ಮುಲ್ತಾನಿ ಮಿಟ್ಟಿ ಪ್ಯಾಕ್ ಎಲ್ಲಾ ಚರ್ಮದ ಪ್ರಕಾರಗಳಿಗೆ, ವಿಶೇಷವಾಗಿ ಎಣ್ಣೆಯುಕ್ತ ಚರ್ಮಕ್ಕೆ ಅತ್ಯುತ್ತಮವಾಗಿದೆ.
ದಾಸವಾಳ ಮತ್ತು ಗುಲಾಬಿ
ದಾಸವಾಳ ಮತ್ತು ಗುಲಾಬಿ ದಳಗಳ ಸಂಯೋಜನೆಯು ನಿಮ್ಮ ಚರ್ಮವನ್ನು ಸೂರ್ಯನ ಹಾನಿಯಿಂದ ರಕ್ಷಿಸುತ್ತದೆ ಮತ್ತು ಚರ್ಮದ ಹಾನಿಯನ್ನು ಹಿಮ್ಮೆಟ್ಟಿಸುತ್ತದೆ. ಈ ಫೇಸ್ ಪ್ಯಾಕನ್ನು ನೀವು ಪ್ರತಿದಿನ ಬಳಸಿದರೆ ನಿಮ್ಮ ಚರ್ಮವು ಕೋಮಲ ಮತ್ತು ಆರೋಗ್ಯದಿಂದಿರುತ್ತದೆ.
ದಾಸವಾಳ ಮತ್ತು ಹಾಲು
ವಯಸ್ಸಾದಂತೆ ಚರ್ಮದಲ್ಲಿ ಸುಕ್ಕುಗಳು ಬಂದು ಚರ್ಮದ ಸ್ಥಿತಿಸ್ಥಾಪಕತ್ವವು ಕ್ಷೀಣಿಸಲು ಪ್ರಾರಂಭವಾಗುತ್ತದೆ. ಹಾಲೆಂಬುದು ಪ್ರೋಟೀನ್‌ಗಳು, ಖನಿಜಗಳು ಮತ್ತು ವಿಟಮಿನ್‌ಗಳ ನೈಸರ್ಗಿಕ ಮೂಲವಾಗಿದೆ.
ದಾಸವಾಳವನ್ನು ಹಾಲಿನೊಂದಿಗೆ ಪೇಸ್ಟ್ ಮಾಡಿ ಹಚ್ಚುವುದರಿಂದ ಅಕಾಲಿಕ ವಯಸ್ಸನ್ನು ತಡೆಯಲು ಸಹಾಯ ಮಾಡುವುದರೊಂದಿಗೆ ಇದು ಲ್ಯಾಕ್ಟಿಕ್ ಆಮ್ಲವನ್ನು ಕೂಡ ಹೊಂದಿರುವುದರಿಂದ ಕಾಲಜನ್ ರಚನೆಯನ್ನು ಉತ್ತೇಜಿಸುತ್ತದೆ ಮತ್ತು ಚರ್ಮವನ್ನು ಕೋಮಲವಾಗಿರಿಸುತ್ತದೆ.
ದಾಸವಾಳ ಮತ್ತು ಮೊಸರು
ಸತುವನ್ನು ಹೊಂದಿರುವ ಮೊಸರು ಹಾಗೂ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿರುವ ದಾಸವಾಳವು ಮೊಡವೆ ಉಂಟುಮಾಡುವ ಸೂಕ್ಷ್ಮಜೀವಿಗಳನ್ನು ಹೋಗಲಾಡಿಸುತ್ತದೆ. ಪ್ರೋಬಯಾಟಿಕ್‌ಗಳನ್ನೂ ಒಳಗೊಂಡಿರುವ ದಾಸವಾಳ, ಆರೋಗ್ಯಕರ ಮತ್ತು ಸ್ಪಷ್ಟವಾದ ಚರ್ಮವನ್ನು ಮರಳಿ ಪಡೆಯಲು ಸಹಾಯ ಮಾಡುತ್ತದೆ. ಇದು ನಿರ್ಬಂಧಿಸಲಾದ ರಂಧ್ರಗಳನ್ನು ಕುಗ್ಗಿಸುವ ಮತ್ತು ಮುಚ್ಚುವ ಮೂಲಕ ಮೊಡವೆಗಳನ್ನು ತಡೆಯಲು ಸಹಾಯ ಮಾಡುತ್ತದೆ.
ಜಾಹೀರಾತು ಮತ್ತು ಸುದ್ದಿ ಕಳುಹಿಸಲು ಸಂಪರ್ಕಿಸಿ
9740160669
ಭಾರತ ಸಾರಥಿ ಕನ್ನಡ ದಿನಪತ್ರಿಕೆ ಸದಾ ನಿಮ್ಮೊಂದಿಗೆ